SAWNEWS NETWORK

News & Analysis-Somalia & East Africa.

  • RSS Articles And Opinions

  • Madaxweyne Rayaale Oo Madax Dhaqameedyada Awdal Qasriga Madaxtooyada Kulan Xasaasi Ah Kula Yeeshay Iyo Nuxurka Qoddobada Ay Ka Wada Hadleen

    Posted by Sawnews.tk on February 14, 2010

    Hargeysa, (Sawnews) – Madaxweyne Daahir Rayaale Kaahin ayaa la sheegay inuu Jimcihii doraad qasriga Madaxtooyada kulan kula yeeshay xubno ka tirsan madax dhaqameedyada caanka ah ee ka soo jeeda gobolka Awdal, kuwaas oo la sheegay in dalabka kulankaasi uu lahaa Madaxweynuhu.

    Ilo xogogaal ah oo ku dhow dhow qasriga Madaxtooyada ayaa wargeyska Haatuf u xaqiijiyay in Madaxweyne Daahir Rayaale Kaahin uu doraad Jimcihii galab kulan khaas ah kula yeeshay madax dhaqameedyo ay ka mid yihiin  suldaan Baade  Xaddi, Suldaan C/raxmaan Jaamac Dhawal, suldaan  Ibraahim Jaamac Samatar iyo xubno kale oo ka mid ah madax dhaqameedyada reer Awdal.

    Ilaa hadda si rasmi ah looma oga xaqiiqada wada hadalka kulankoodaasi waxayse ilo xogogaal ahi noo sheegeen in kulankaasi Madaxweyne Rayaale uu la yeeshay madax dhaqameedyadaasi ay kaga wada hadleen arrimo ku saabsan hadalo dhowaan ka soo yeedhay xubnaha salaadiintaasi oo inta badan ku wajahnaa xukuumadda iyo deegaanada Jasiiradaha gobolka Salal ee xarunta degmada Saylac oo ay maryo dhiig leh ku kala furteen xubnahaasi salaadiinta iyo xubnaha golaha wasiirada kaga jira deegaanada gobolka Awdal. Waxanay tibaaxuhu sheegeen in Madaxweyne Rayaale iyo madax dhaqameedyadaasi ay kulankaasi wada fadhi iskaga qanciyeen waxyaabihii shakiga ku kala riday muddooyinkii u dambeeyay xidhiidhkii ka dhexeeyay madax dhaqameedyadaas iyo Madaxweynaha.

    Waxaanay ilo wareedyadu intaa ku dareen in madaxweyne Rayaale  salaadiintaasi si weyn uga qanciyay dareemadii shakiga lahaa iyo ololihii salaadiintaasi ay ku qaadeen deegaanada gobolka Salal oo la sheegay inuu ku tilmaamay arrimo ay axsaabta mucaaridku buun buuniyeen iyadoo dhinaca kale salaadiinta ayaa iyagana la shegay in madaxweynaha ay uga cawdeen hadalo kul kulul oo xubnaha ka tirsan xukuumaddiisa ee ka soo jeeda gobolada Awdal iyo Salal ay muddadii socdaalka ugu baxeen deegaanadaasi ay u jeediyeen.

     Kulankan ayaa sidoo kale ay ilo wareedyadu sheegayaan  in madaxweyne Rayaale salaaddiinta ugu ballanqaaday inuu soo celiyo meqaamkii ay ku lahaayeen dhinaca dawladda  iyo xidhiidhkii ka dhexeyn jiray madax dhaqameedyada iyo xukuumadda oo beryahan dambe aan wanaagsaneyn isla markaana ahaa mid dabac weyni ku jiray.

    Kulankan ayaa sidoo kale ka dambeeyey isku day badan iyo dedaal badan oo madaxweyne Rayaale u galay sidii   ay salaadiintaasi mar uun isku afgaadhi lahaayeen ,iyadoo la ogaa in dhawr jeer oo uu ka dalbaday kulan sidan oo kala ah ay gaashaanka ku dhufteen ,lamana oga sababta wakhtigan keentay kulanka madaxweynaha iyo salaadiinta reer Boorama waxase inta badan lagu tilmaamay in kulankaasi Madaxweyne Rayaale uu la yeeshay madax dhaqameedyadaasi uu ku soo celiyay xidhiidh hor leh oo u bilawday labadooda dhinac.

    Haatuf

    Leave a Reply

    Fill in your details below or click an icon to log in:

    WordPress.com Logo

    You are commenting using your WordPress.com account. Log Out / Change )

    Twitter picture

    You are commenting using your Twitter account. Log Out / Change )

    Facebook photo

    You are commenting using your Facebook account. Log Out / Change )

    Google+ photo

    You are commenting using your Google+ account. Log Out / Change )

    Connecting to %s

     
    %d bloggers like this: